Euskal Herriko Gazteriaren Kontseilua sortzea erabaki zuten gazteek

400 gazteren parte hartzearekin burutu zen Euskal Herriko Gazteriaren I. Biltzarra. Euskal Herriko gazteriaren eskubideen karta, nahiz Gazteriaren Kontseilu honen helburu, izaera, funtzio eta antolaketa eztabaidagai izan ziren goiz osoan. Adostasunez, Euskal Herriko Gazteriaren Kontseilua sortzea erabaki zuten eta 2006. urteko plangintza adostu zuten.

Gazteriaren Kontseiluaren Helburuak:

• Euskal Herriko gazteriaren bilgunea izatea
• Euskal Herriko Gazteriaren kolektiboaren aintzatespenerako instituzioa
• Euskal Herriko gazteriaren eskubideen defentsa egitea
• Euskal Herriko gazteriak Kontseiluak abian jarritako guneetan emandako hitza eta erabakien kudeatzaile izatea
• Egungo Gazteriaren Kontseiluen arteko elkarlana eta hitzarmenak bideratu
• Gazteriarentzat lehentasunezkoak diren proiektuei bultzada eta babesa ematea

Gazteriaren Kontseiluaren izaera:

• gaztea
• partehartzailea
• Euskalduna
• Euskal Herri osokoa
• Instituzionala

Gazteriaren Kontseiluaren funtzioak:

• Biltzarra antolatu, diagnostikoak eguneratu, eztabaida piztu
• Eskubide urraketak egunero eta urtero salatzea
• Gazteen hitza eta erabakia errespetatua izateko ekimenak
• Gazteriaren zerbitzurako bitartekoa
• Instituzio ezberdinekin harremana bideratu
• Euskal Herriko gazte plana kudeatu
• Informazioa zabaldu
• Nazioarteko Euskal Herriko gazteen diasporarekin eta gainontzeko herrietako gazteekin alkarlana bideratu eta harremanakk izan

Gazte Kontseiluaren antolaketa:

• Biltzarra: urtero egingo dena
• Gazte eragileen asanbladak: aukeren eta egoeraren arabera deituko litzateke
• Gazteriaren Kontseiluko Talde Eragilea: bertan, egunerokotasunean erabakiak hartuko lirateke. Talde eragilean partehartzeko aukera edozein gazte eragileri eskeiniko zaio, hurrengo hilabeteetan Euskal Herriko gazte eragile guztiei horretarako gonbite zuzena egingo zaie.