Ekintza planak eremu guztietan eHgk-k abiatu beharreko egitasmoak biltzen ditu. eHgk-ren tresna izaera azpimarratuz, gure lana egitasmo horiek bultzatzea, laguntzea eta sustatzea da, inoiz ez eragileen lana ordezkatzea. Ekintza planean eremu ezberdinetan abian diren plangintza zein helburuei bultzada emateko egitasmoak bilduko dira, beti ere, indarrak batzearen ideiarekin. Ekintza plan hau, eragileen ekarpenekin osatuko da eta gazte eragileen asanbladan onartuko litzateke. Egitasmo guzti hauek zerrendatzerako garaian, eskubide urraketek izango dute zentralitatea eta egin beharreko lanaren oinarri izango dira.

Lehentasunak

• Etxebizitza: aldarrikapenetatik ekintza zehatzetara eramango gaituen idatzi bat garatzea izango litzateke, udal guztietan jarraitzekoak izango diren neurri zehatzak bilduko dituena. Egindako diagnostikotik abiatuta, lehenik eta behin eremu honetan lanean ari diren eragileen artean landuko litzateke eta ondotik, proposamena gainontzeko eragile guztiei igorriko litzaieke. Era berean, lokal mailako esperientzien eta alternatiben berri eman eta zabalpena egingo genuke.
• Espazio autogestionatuak: hemen gaztetxeak, eragileentzako lokalak, entsegu lokalak, kultur hedapenerako espazioak, etab, biltzen dira. Udalentzako jarraibideak bilduko dituen idatzia egitea da helburua, non gazteriak herri bakoitzean dituen beharrak ikusita, dituen eskakizunei kasu egiteko eta autogestioaren bidetik urratsak emateko jarraibideak emango diren. Ildo horretan, egondako esperientzien bilduma egin eta ezagutzera emango genituzke. Era berean, gaztetxe eta espazio autogestionatuen aldeko kanpainaren baitan ekarpena egingo genuke.
• Prekarietatea: eremu honetan, prekarietatea bere integraltasunean bilduko duen txostena bildu (egindako diagnosiak oinarri hartuz) eta gazte batek Euskal Herrian bekak, laguntza sozialak edo bestelako laguntzen berri emango dituen gidaliburua egitea eta argitaratzea da helburua.
• Aisialdi eredua: eztabaida zabaldu aisialdiko eragile guztietara eta alternatibak plazaratzea da helburua. Diskurtsoan sakondu, gazteriaren inguruan ematen den irudiaren kontra eta alternatibak badirela eta lantzen ari direla azpimarratzea, baita alternatiba horietako asko egiterakoan jartzen diren trabak edo ukazioak aipatuz.
• Euskara: konpromezuen bidetik, Hitzarmena zabaldu eragile guztiei. Bestalde, ihardunaldi ezberdinak antolatzeko aukerak aztertuko dira (gazte hizkeraren inguruan, adibidez) edo egitasmo zehatzak egiteko aukerak (mintzapraktikaren inguruko ekimenak)