Plangintza honek honako helburuei erantzun nahi dio:

• eHgk-ren erreferentzialtasuna eta bilgune izaera indartu, baita gazteriaren kolektiboarena ere.
• Eremu guztietan eragiteko gaitasuna erakustea eta eremu guztietan egitasmoak abiatzea.
• Gazteriaren eskubideen inguruko diskurtsoa zabaltzea eta eskubideen baitan aurrerapausoak ematea.
• Gazte eragileen eta gazteen sarea garatu, horretarako tresnak sortuz eta parte-hartzean sakonduz.
• Gazteen hitza eta erabakiari bide ematea eta gazte instituzioaren kimua izatea.

0. eHgk-ren BERRI EMAN

Lehenengo hilabete hauetan eHgkren berri izan behar du Euskal Herriko gazteriak. Hartara, erreferentzia fisikoak gorpuztuz goazen heinean, erreferentzia komunikatiboak landuko ditugu eta egiten dugun lan guztiaren berri emango dugu. Egiten dugun lanaren gizarteratzearekin batera, gure oinarriak gazte eragile zein norbanakoei zabaltzea da helburua, etengabeko harremanak bultzatuko ditugularik. Besteak beste honako euskarriak zabalduko dira heldu diren hilabeteetan:

• Pegatina gazteria ibiltzen den toki guztietan paratzeko, zeinak eHgk-ren erreferentzia, web orria, telefonoa bilduko dituen.
• eHgk-ren egoitzak, Zarautzen eta Iruñean zabaldu.
• Telefonoak, e-posta helbideak harreman zuzena izateko.
• Web orria: ekarpenak egiteko, diagnosiak ikusteko, datuak begiratzeko, eskubideen karta eskuratzeko, parte-hartzeko, informatzeko, eragileen lana ikusteko,…
• Ipar Euskal Herrian kanpaina berezitua, harremanetan indarra jarriz eta tokikotasunean oinarrituz (diagnosia, berezko afitxak, erritmoak,…)
• Web orria garatu
• gaztHerria aldizkaria bi hilabetero zabaldu

1. EKINTZA PLANA

Ekintza planak eremu guztietan eHgk-k abiatu beharreko egitasmoak biltzen ditu. eHgk-ren tresna izaera azpimarratuz, gure lana egitasmo horiek bultzatzea, laguntzea eta sustatzea da, inoiz ez eragileen lana ordezkatzea. Ekintza planean eremu ezberdinetan abian diren plangintza zein helburuei bultzada emateko egitasmoak bilduko dira, beti ere, indarrak batzearen ideiarekin. Ekintza plan hau, eragileen ekarpenekin osatuko da eta gazte eragileen asanbladan onartuko litzateke. Egitasmo guzti hauek zerrendatzerako garaian, eskubide urraketek izango dute zentralitatea eta egin beharreko lanaren oinarri izango dira.

• Lehentasunak: Etxebizitza, Espazio autogestionatuak , Prekarietatea, Aisialdi eredua eta Euskara.
• Bestelakoak: Drogak, Kultura, Lehenengo sektorea, Sexualitatea eta Etorkinak.

2. ESKUBIDEEN KARTA

Egiten dugun lan guztiaren oinarria edo txapela izango denez, etengabeko erreferentzia egingo zaio. Hortaz, era berezitu batean landu beharrean (egingo dela ere) Kartaren erabilgarritasuna abian jarriko ditugun egitasmo guztietan aipatuko genuke. Eragile guztiei postaz igorriko zaie eta gonbitea egingo litzaieke bertan agertzen diren eskubideen aldarrikapena egin dezaten eta euren inguruan edo eremuan ematen diren eskubide urraketen salaketan parte har dezaten. Eragile ezberdinei haiek antolatzen dituzten ekitaldi ezberdinetan Karta presente egotea eskatuko diegu. Hala ere, eragileen esparrua gainditzea planteatzen da eta hortaz, antolaturik gabeko gazteengana heltzeko saiakerak egin behar ditugu, horretarako bide ezberdinak aztertuz (ikastetxeak, geletako ordezkariak, herrietan gazteak ibiltzen diren guneetan Karta egonez eta erreferentzialtasuna bermatuz,...).

• Zabalpena : Kartaren bidalketa eragile guztiei, instituzio guztiei, udalerri guztiei, gaztetxe/gazteleku/gazte-etxea guztiei, bestelako eragile guztiei.
• Txostena: eskubideen urraketari buruzko galdetegia, salaketak, eta urteko txostena, zeinean erantzuleak identifikatu.
• Ekimen zehatzak: ihardunaldiak, Europan eta Nazio Batuetan aurkezpena egin, …

3. DIAGNOSTIKOAK ETA DATU BASEA

Diagnostikoak etengabe berrituak izateko web orrian tarte bat egongo da ekarpen guztiak biltzeko. Eragileei euren eremuan edo esparruan lantzen dituzten irakurketa guztiak bidaltzeko eskari zuzena egingo diegu. Aurten, Ipar Euskal Herriko gazteriaren egoera diagnostikoetan osatuago islatzeko saiakera egin behar dugu.

Hortaz honakoak dira heldu diren hilabeteetarako erronkak:

• Gelditzen diren atalak garatu
• Ipar Euskal Herriko gazteriaren egoeraren irakurketa Garate
• Behar estatistikoak zeintzuk diren zehaztu eta soziologia lan taldea eratu

4. NAZIOARTEKOA

Lehenik eta behin gure berri eman beharko genieke diasporan dauden gazteei. Zertarako gauden, zer egin genezake euren alde, nola lagundu elkarri, zeintzuk egitasmo garatu ditzakegun... baina gehiegi tenkatu barik. Hilabete hauetan batez ere, harreman sarea gorpuztu beharko genuke eta ondotik etorriko dira egitasmoak.

• Harreman sarea egin eta gure berri eman gazte diasporari
• Gainontzeko herrietako gazteekin harreman sarea gorpuztu (Eskubideen Karta oinarri hartuz eta eHgk-ren egitasmoa zabalduz)
• Nazioartean aintzatespena lortzeko bidea egin, instituzio ezberdinetan egoteko aukerak aztertuz
• Nazioarteko lan taldea eratu

5. INSTITUZIOAK

• EGK eta NGKrekin etengabeko harremana izan
• Instituzio ezberdinekin hitzarmenak sinatu

6. EAE GAZTEEN LEGEA ETA GAZTE PLANAK

• Informazioa zabaldu eragileei
• Eskubideen Karta eta diagnosiak ekarpen gisa sustatu

Oinarrien lanketa: parte-hartzea, eskubideak, eragingarritasuna

7. GAZTERIAREN BILTZARRA’06

8. BESTELAKOAK

• Gazte eragileen sarea gorpuztu
• Gazteen sarea gorpuztu
• Gazteen garapenerako elkartasun fondoa abian jarri